Улуу Кыайыы 80 сылын көрсө Дьокуускай куорат Н.И. Шарин аатынан 39 №дээх орто оскуолатын бибилэтиэкэтигэр «История Победы в стихах» күрэх бары кылаастарга биирдиилээн уонна бөлөҕүнэн хоһоон ааҕыыта өрө көтөҕүүлээхтик ааста. Күрэх хоһоону ааҕар дьоҕурдаах оҕолору көҕүлүүр, төрүт үгэһи ытыктыыр, төрөөбүт дойдуга таталы, бэриниилээх буолууну иҥэрэр сыаллаах ыытылынна.
Дьүүллүүр сүбэ састаабыгар «Детская точка кипения” оҕо ааҕар киин салайааччыта Неустроев К.К. уонна сүрүн бибилэтиэкэрэ Парникова С.В., «Арктикатааҕы культура уонна искусство институт» билим, айар бырайыак уонна инновация салаатын үлэһитэ Никифорова Н.С. кэлэн сыаналаатылар.
Ким да умнуллубат, туох да умнуллубат… Сэрии уоттаах толоонугар, Ийэ дойдуну көмүскээн, сааны-саадаҕы тутан кыргыспыт чулуу дьоммутун, сэрии ыар кэмнэрин көрдөрбүт буойун суруйааччылар күүрээннээх хоһооннорун хас биирдии ааҕыыччы долгуйан туран толордо.
Бөлөх түмүгүн аайы дьүүллүүр сүбэттэн Добун суругу тутан, өйдөбүнньүк хаартыскаҕа түстүлэр.
Аэлина Халыева,
Дайаана Барахсанова
7 «Г» кылаас үөрэнээччилэрэ,
Дьокуускай куорат Н.И. Шарин аатынан 39 №дээх орто оскуолата