Муус устар 9 күнүгэр, биһиги оскуолабытыгар Уус Алдан улууһун Хоноҕор орто оскуолатыттан Бурцева Марианна Владимировна салайааччылаах алтыс, сэттис кылаас үөрэнээччилэрэ биһиги оскуолабытыгар кэлэн 5 «Г» кылаас оҕолоругар анаан, бэрт сонун маастар-кылааһы көрдөрөн сөхтөрдүлэр. Туһаттан тахсыбыт кумааҕыттан уруучука оҥороллор эбит.
Ол курдук, бастаан уруучука үөһүн ылан кумааҕыга кээмэйдээн, икки хос гына күүскэ эрийэн ПВА килиэйинэн сыһыараллар. Салгыы араас дьүһүннээх кыраасканан сотоллор. Оҕолор бэйэлэрин ааттарын суруйуохтарын эбэтэр араастаан киэргэтиэхтэрин сөп. Бүтэһигэр тыҥырах лааҕынан сотон бөҕөргөтөллөр эбит.
Биһиги оҕолорбут бөлөҕүнэн олорон олус сэҥээрэн, умсугуйан туран тэҥҥэ үлэлээтилэр, сонун ньыма уратытын биллилэр, сэҥээрдилэр.
Барахсанова Дайаана, Халыева Аэлина,
7 «г» кылаас үөрэнээччилэрэ,
Дьокуускай куорат 39 №-дээх орто оскуола юнкордара