Саха норуодунай поэта, суруналыыс, публицист, тылбаасчыт, общественнай деятель
Савва Иванович Тарасов
төрөөбүтэ 85 сылыгар аналлаах
«С.И. Тарасов айар үлэтин, олоҕун ыллыктарынан»
Өрөспүүбүлүкэтээҕи кэтэхтэн биктэриинэ балаһыанньата
Ыытыллар кэмэ: кулун тутар 20 күнүттэн муус устар 15 күнүгэр диэри.
Тэрийээччилэр: Горнай улууһун С.И. Тарасов аатынан Өрт орто оскуолата.
Кыттааччылар:
I-IV кылаастар –I бөлөх,
V-VIII кылаастар – II бөлөх,
IX-XI кылаастар – III бөлөх
Сыала: cаха норуодунай поэта С.И. Тарасов олоҕун уонна айар үлэтин дириҥэтэн билсиһии, үөрэтии, үүнэр ыччакка тарҕатыы, төрөөбүт тылга, литератураҕа тапталы иҥэрии.
Ирдэбилэ: кыттар оҕо улууһун, оскуолатын, кылааһын, араспаанньатын, аатын, салайааччытын, төлөпүөнүн нүөмэрин, биктэриинэ эппиэттэрин электроннай почтаҕа ыытар.
Үлэлэр маннык көрүҥнэринэн сыаналаныахтара:
Бөлөх аайы I, II, III миэстэлэргэ грамоталары, хас кыттааччы аайы туоһу суруктары электроннай варианынан ыытабыт.
Билсэр төлөпүөннэргит: (8411(31)24440) – дириэктэр Басхардырова Наталия Егоровна, (8 964 077 5768) – Лукина Екатерина Афанасьевна, (8 962 733 66 74) – Захарова Августа Михайловна.
Электроннай почта: ertshkola@yandex.ru
«С.И. Тарасов айар үлэтин, олоҕун ыллыктарынан»
өрөспүүбүлүкэтээҕи кэтэхтэн биктэриинэ боппуруостара
- Савва Иванович Тарасов төрөөбүт алааһын аата?
- Поэт төрөппүттэрин толору ааттара?
- Маҥнайгы кылааска ханнык оскуолаҕа үөрэнэ киирбитэй?
- …Кэлэллэрэ ол дьиэҕэ, көр,
Кэтэһиннэрэн өр да өр,
Кэпсээн туппут оҕонньотторо-
Кэрэ ыра түһүлдьүттэрэ.
Кэлэллэрэ остуоруйаһыт,
Таабырынньыт эмээхситтэр-
Имииһит уонна асчыт-
Эгэлгэ идэлээхтэр…
Ханнык хоһоон тылларай? (хоһоон аатын суруйуҥ).
- Савва Тарасов абаҕалара бары олоҥхолууллара. Кинилэртэн саамай биллибит олоҥхоһут кимий?
- Сааба оҕо сылдьан сэрии бүтүүтүгэр отчуттарга оҕуһунан, ытын батыһыннаран ыһык таһар үлэлээх эбит. Оҕуһун, ытын ааттарын суруйуҥ.
- Бастакы бэчээттэнэн тахсыбыт кинигэтэ хас сыллаахха тахсыбытай? Ол кинигэ аата.
- Ханнык кинигэтин иһин Емельян Ярославскай аатынан суруналыыстар өрөспүүбүлүкэтээҕи бириэмийэлэрин лауреата буолбутай?
- Хас сыллаахха поэт аата төрөөбүт оскуолатыгар иҥэриллибитэй?
- Төрөөбүт нэһилиэгэр, Солоҕоҥҥо, поэт музейа хаһан аһыллыбытай?
- Поэт 52 сыл устата, сарын санныттан өйөнсөн, табаарыстаспыт атаһа кимий?
- Поэт ырыа буолбут хоһооннорун ааттаталааҥ.
- Ханнык улуу омук драматурун трагедияларын сахалыы тылбаастаабытай? Ааттаталааҥ.
- “Саха киэн туттар дьоно” серияҕа “Савва Иванович Тарасов” кинигэтэ хас экземплярынан бэчээттэнэн тахсыбытай?
- Савва Тарасов ханнык сахалыы хаһыат, сурунаал редакцияларыгар үлэлээбитэй?
- С.И. Тарасов ханнык литературнай бириэмийэлэр лауреаттара буолбутай?
- “Савва бэйэтин санаатын курдук…” диэн ыстатыйаны “Саха сирэ” хаһыакка 28.12.2012 сыллаахха ким суруйбутай?
- Саха үс ахсааны ытыктыырын, сүгүрүйэрин туһунан суруйбут хоһооно.
- “Дьиҥ сахалыы саҥарар, дьиҥ сахалыы саныыр киһи» диэн С.И. Тарасов туһунан ким, ханна бэлиэтээбитэй?
- … Булбута эһиэхэ, —
ол баар үөрүүтэ!
Көрбүт да көрбөтөх
улуу кистэлин:
Аан дойду соһуйа,
биһирии билбитэ,
Сир бүтэр уһугар
сир киэнэ дьиктитин…
Бу хоһоону поэт ханнык биллиилээх киһи кэриэһигэр анаабытай?
- Хоһоон көппүт тылларын ситэр:
Баар буолара көр ол дьиэҕэ
Бастыҥ олоҥхо күрэҕэ.
Ааттаах абаҕам ________________
Аргыый тардан кэбиһэрэ
___________________ абааһы буолан,
Айыы дьахтарын күрэтэрэ.
_______________ ат ырыатын
Таптыыра наҕыллык таһаарарын.
- Хас сыллаахха “Саха Өрөспүүбүлүкэтин бочуоттаах гражданина” аат иҥэриллибитэй?
- Поэт 70 сааһын туолуутугар ананан бэчээттэммит кинигэ аата.
- “Тыыннаах диэн үчүгэй даҕаны» хоһоонугар ким матыыбын айбытай?
- Савва Иванович бастакы псевдонима ким диэн этэй?
- Горнай улууһун “Үлэ күүһэ” хаһыатыгар хас сыллаахх аан бастакы ханнык хоһооно бэчээттэммитэй?
- Поэт Ыччаттар уонна устудьуоннар аан дойдутааҕы хаһыс фестивалларын кыттыылааҕа буоларый? Фестиваль ханна ыытыллыбытай?
- Поэт бу бэргэн этиитин быһаар:
Үтүө киһи барахсан
Үөлэһэ кыымнаах
Үйэ да ааһан баран
Өрүү сырдыахтаах …
- Поэт аатын үйэтитэргэ туох үлэлэр ыытыллыбыттарай?
- Саха сирин суруйааччыларын сойууһун бэрэссэдээтэлинэн хаһыс сылларга үлэлээбитэй?