Кэбээйи улууһун саамай көрдөөх, бэһиэлэй оҕолоро биир сиргэ мунньустан көрү көҕүлүттэн туттулар.
Саха КВН-2024 биир дойдулаахпыт буойун-поэт Тимофей Егорович Сметанин аатын үйэтитэр, улууска «Cаха КВН» хамсааhынын сайыннарар, саха ыччата төрөөбүт тылын туттар эйгэтин кэҥэтэр, бастыҥ хамаандалары уонна оонньооччулары бэлиэтиир сыаллаах ыытылынна.
Уопсайа 3 хамаанда түөрт түһүмэҕинэн күөн көрүстүлэр. Ол курдук «Бэйэни билиһиннэрии», «Оскуола олоҕуттан биир түгэн…» видеоролик, «Соһуччу сорудах» диэн тутатына сорудах толоруу уонна Т.Е. Сметанин көрдөөх кэпсээннэринэн «Убайбытын утумнаан» музыкальнай дьиэҕэ сорудах.
Түмүккэ:
1 миэстэ — «Көҥүл боотурдар уонна куолар» (Кэбээйи орто оскуолата)
2 миэстэ- «Чээкэ-3» (Ньидьили орто оскуолата)
3 миэстэ — «Тобул» (Мастаах орто оскуолата)
Хамаандалар бары олус үчүгэйдик бэлэмнэнэн кэлэннэр, көрөөччүлэргэ умнуллубат киэһэни бэлэхтээтилэр!
Сайаана ТЕРЕХОВА, 10 кылаас,
Хаартыскаҕа түһэрдэ: Виолетта Левина, 10 кылаас
Дьоҕур медиакиин, Кэбээйи орто оскуолата