Сэтинньи 15 күнүгэр Кустуур орто оскуолатыгар улустааҕы «Слепцовскай ааҕыылар» научнай-чинчийэр кэмпириэнсийэ үрдүк таһымҥа ыытылынна.
«Слепцовскай ааҕыылар» оскуолабыт аатын сүгэр Слепцов Иннокентий Николаевичка анаммыт кэмпириэнсийэ буолар. Санатан этэр эбит буолахха, номнуо 4-үс төгүлүн ыытылынна. Өр кэмнэргэ бүтүн өрөспүүбүкэтээҕи кэмпириэнсийэ этэ, ол эрэн бу сылга улууспутугар Тыа хаһаайыстыбатын сылыгар анаан улуус иһинэн ыытылынна.
Бу күн оскуолабытыгар атын оскуолалартан үгүс ыалдьыт кэлэн нэһилиэк олоҕо күөстүү оргуйда. Кыттааччылары миэстэтигэр уонна кэтэхтэн көрүүнэн сыаналаатылар. Дьүүллүүр сүбэ хамыыһыйатыгар бэйэбит оскуолабыт учууталлара эрэ буолбакка, атын оскуола учууталлара, ону тэҥэ тыа хаһыйыстыбатын наукатын хандьытаата сыаналаата. Өссө биир үөрүүбүт диэн бу кэмпириэнсийэҕэ элбэх оҕо бэйэтин чинчийэр үлэҕэ аан маҥнайгытын холонон көрөн, өссө да элбэх араас кэмпириэнсийэлэргэ кыттыыны ылыахтара турдаҕа. Ону тэҥэ дуобат күрэҕэ ыытылынна, күрэҕи иилээн саҕалаан Горохов Михаил Ильич, Колесов Иннокентий Егорович, Попов Василий Андреевич ыыттылар.
Слепцовскай ааҕыылар өссө да элбэх оҕо чинчийэр үлэтигэр саҥа ааннары арыйан ситиһиигэ кынаттаатыннар!
Наум Наумов, «Биракчаан» медиакиин, Кустуур орто оскуолата, Эбээн-Бытантай улууһа.
keskil14.ru