«Дьөһөгөй — сир эдэр хаһаайыттара» бырайыак Дойду Президенин пуондатын Гранын чэрчитинэн, улуустааҕы О.П. Иванова-Сидоркевич аатынан Амматааҕы айар сайдыы киинин иһинэн «Дьөһөгөй» кулууп В.Г. Короленко Амма 1 №-дээх оскуолатыттан биэс үөрэнээччи уонна Н.Е. Иванов аатынан Бөтүҥ агро хайысхалаах оскуолатыттан уон үөрэнээччи алтынньы 31 күнүгэр алгыстаах Абаҕа сиригэр «И.Я. Строд» аатынан собуокка баран ыалдьыттаатыбыт. Бөтүҥтэн биһигини салайааччыбыт Туйаара Петровна Самсонова илдьэ барбыта.
Тиийбиппит, собуокка үлэ күөстүү оргуйа турара: убаһаны биэлэриттэн быысааһын, станокка киллэрэ-киллэрэ араартааһын, вакцинация уонна чипирование туруоруута. «Сибирскай язва», «Лептоспироз» вакциналарын хайдах биэрэллэрин көрдүбүт-иһиттибит. Үлэһиттэр биһигини үөрэ-көтө көрүстүлэр. Икки бэтэринээр, биир үүртэлээн киллэрэр уол уонна Бөтүҥнэр биир дойдулаахпыт, УСХ үлэһитэ Олег Олегович Егоров буолан, станок нөҥүө элбэх да элбэх сылгыны араартыыллар эбит.
Саха ыалдьытымсах буоларын быһыытынан, биһигини элбэх битэмииннээх, иҥэмтэлээх тоҥ убаһа этинэн күндүлээтилэр, бары астына амсайдыбыт. Бэрт элбэх саҥаны иһиттибит, уопсай билиибит-көрүүбүт кэҥээтэ. Күһүҥҥү сынньалаҥмытыгар биир туһалаах, умнуллубат, үтүө күнү атаардыбыт, сыалбытын-сорукпутун ситистибит.
Ариан Татаринов, VI кылаас үөрэнээччитэ.
Эрнест Дьяконов, ХI кылаас үөрэнээччитин түһэриитэ.
«Платформа» Медиа киин чилиэннэрэ,
Бөтүҥ, Амма.