Үөрэнээччилэр бастакы үөрэх чиэппэрин кэнниттэн сынньалаҥнарын туһалаахтык атаараллар. Н.Е. Иванов аатынан Бөтүҥ орто оскуолатын үөрэнээччилэрэ бэрт сэргэх тэрээһиннэргэ сырыттылар, элбэҕи биллилэр, элбэх доҕоттордоннулар.
Ол курдук, О.П. Иванова-Сидоркевич аатынан Амматааҕы айар сайдыы киинигэр, «Амма кэскилэ» оҕо уопсастыбаннай түмсүүтэ улуус көхтөөх оҕолоругар Коммунардыы хомууру тэрийдэ. Манна Н.Е. Иванов аатынан Бөтүҥ орто оскуолатын бэйэни салайыныы түмсүүтүн оҕолоро эмиэ кытынныбыт. Тэрээһиммит бастакы чааһа билсиһииттэн саҕаламмыта. Эрдэ бэлэмнээбит эҕэрдэ үҥкүүбүтүн көрдөрдүбүт, онтон хамаандаҕа арахсан, тохтобулларынан сорудахтары толордубут. Салгыы уоттаах-күөстээх, оонньуулаах үҥкүү-битии буолла. Бириэмэ олус түргэнник бүппүтүн өйдөөбөккө хааллыбыт. Оҕолор бары үөрэ-көтө оонньоон, сэргэхсийэн, элбэҕи, саҥаны көрөн-истэн кэллибит.
Итини сэргэ биһиги Мээндиги сынньалаҥ киинигэр «Ночь в клубе» диэн ааттаах сыллата ыытыллар тэрээһиҥҥэ үһүс төгүлүн тиийэн кытынныбыт. Тэрээһиҥҥэ Бөтүҥтэн үс, Мээндигиттэн икки, Соморсунтан икки уонна Сэргэ-Бэстэн биир хамаанда тэриллэн көрүстүбүт. Хамаандаларынан бэйэни билиһиннэриигэ, үҥкүүгэ, биктэриинэҕэ, минньигэс астаах бүлүүдэҕэ, көстүүмҥэ, быстах киинэ устуутугар күрэхтэстибит. Ордубут бириэмэҕэ квест оонньоотубут. Уоттаах-күөстээх дискотека буолла. Түмүккэ, Бөтүҥ хамаандата II миэстэҕэ тиксэн, бириис ылан астынныбыт.
Мээндиги кулуубун үлэһиттэригэр, чуолаан дириэктэр Светлана Николаевна Поповаҕа маннык олус үчүгэй ис хоһоонноох тэрээһини тэрийэригэр түмсүүбүт аатыттан махтанабыт. Ону тэҥэ биһигини илдьибит-аҕалбыт төрөппүттэрбитигэр, куруутун биһиги баҕа санаабытын истэн, толорон, өйдөөн-өйөөн илдьэ сылдьар уонна туһалаах бырайыактарга кытыннарар, элбэххэ үөрэтэр түмсүүбүт салайааччыта Вилена Дмитриевна Мартыноваҕа эмиэ махталбытын тиэрдэбит.
Нарыйа Иванова, Айсена Борисова, VIII кылаас үөрэнээччилэрэ,
«Платформа» Медиа-киин чилиэннэрэ,
Бөтүҥ, Амма.