Бүгүн, алтынньы 9 күнүгэр, Кэбээйи орто оскуолатыгар, «Сэргэх сэрэдэ» бырайыак чэрчитинэн «Доҕордоһуу саламата» диэн акция ыытылынна.
Акцияны уруһуй уонна технология учуутала Т.О. Дьячковская оскуола 100 сылын көрсө тэрийэн саҕалаата.
Уопсайа 17 кылаас кэллэктиибэ көхтөөхтүк кытынна. Оҕолор сылгы сиэлин аҕалан, ситиини наардыырга уонна таҥастыырга үөрэннилэр. Биэс миэтэрэ салама тарданнар, саҕалааһын таҕыста диэн үөрэн тарҕастылар.
Маны сэргэ оскуолабытыгар саҥа тэриллибит «Күн» оҕо түмсүүтэ алын уонна орто кылаас үөрэнээччилэригэр эмиэ «Сэргэх сэрэдэ» чэрчитинэн «Сахалыы сөпкө суруйуох», “Таабырынна таайсыах”, “Өс хоһооннорун төһө билэҕин?” диэн оонньуу ыытыллар.
Онон, бүгүҥҥү үөрэх күнэ бэрт сэргэхтик ааста!
Виолетта Левина, 10 кылаас
«Дьоҕур» медиакиин, Кэбээйи орто оскуолата