Бүгүн, от ыйын 3 күнүгэр, «Дохсун» спорт комплексыгар «Азия оҕолоро» VIII-с спортивнай ооньууларын бокса көрүҥүн номнуо IV-с күнэ түмүктэннэ.
Санатан эттэхэ, финалга тахсар иһин уопсайа дойду аҕыс муннугуттан 24 кыраһыабай киирсиини көрдүбүт. Бүгүн уолаттар 12 ыйааһыҥҥа кииристилэр (46, 48, 50, 52, 54, 57, 60, 63, 66, 70, 75, 80 киилэлэргэ).
Киһи үөрүөх, Саха сирин хамаандатыттан 52 киилэ ыйааһыҥҥа Айсен Неустроев Кыргызстан боксерун Даниил Булавкины кыайан, финалга киирдэ. Итинэн Айсен үчүгэй дьарыктааҕын, кытаанах санаалааҕын, техникатын чочуйбутун көрдөрдө.
Оттон сарсын, от ыйын 4 күнүгэр, финалга аны кыргыттар киирсиэхтэрэ. Саха Сириттэн кыттар эдэр кэскиллээх Милена Моркантан элбэҕи эрэнэбит уонна ситиһиини баҕарабыт: «Руки работают, видят глаза! Порхай как бабочка, жаль как пчела!»
Алена МАКСИМОВА, X кылаас, Бордон орто оскуолата
Альберт АРБЫКИН, X кылаас, Г.И. Чиряев аатынан Бүлүү куорат 1-кы нүөмэрдээх оскуолата
Дуолан ПАВЛОВ, VII кылаас, Е.Е. Эверстов аатынан Кэбээйи орто оскуолата
«Азия оҕолоро» VIII спортивнай оонньууларын пресс-киинин эдкордара