Бүгүн от ыйын 2 күнүгэр «Дохсун» спорт комплексыгар «Азия оҕолоро» VIII спортивнай оонньуулар бокса көрүҥүн үһүс күнэ түмүктэннэ. Бу күн эдэр боксердар 7 ыйааһыҥҥа кииристилэр: кыргыттар — 46, 50, 52, 54, 57 киилэҕэ диэри ыйааһыннарга, уолаттар – 48, 52, 57, 80 киилэҕэ диэри.
Күн биир чаҕылхай киирсиитин Саха сирин хамаандатыттан, 52 киилэҕэ диэри ыйааһыҥҥа киирсэр икки уол полуфиналга аастылар. Ол курдук, Айсен Неустроев утарсааччытын Азербайджан боксерун Багир Амирханлыны эрэллээхтик кыайан ыалдьааччылар сүргэлэрин көтөхтө. Эмиэ бу ыйааһыҥҥа Артур Севергин Беларусь спортсменын утары киирсэн кыайыылаах таҕыста. Кыргыттарга 46 киилэҕэ диэри киирсэр Милена Моркан утарсааччытын кыайан финалга таҕыста.
«Азия оҕолоро» VIII спортивнай оонньуулар бокса көрүҥэр кыайыылахтарын билэр кэммит чугаһаатар-чугаһаан истэҕин аайы киирсиилэр киэркэйэн, ыалдьааччылар элбээн иһэллэр.
Күрэх бочуоттаах ыалдьытынан Дьокуускай куорат баһылыга, Дьокуускайдааҕы Бокс Федерациятын салайааччыта Евгений Григорьев буолла. Кини бу күрэх туһунан бэйэтин санаатын үллэһиннэ:
Алена МАКСИМОВА, X кылаас, Бордон орто оскуолата
Альберт АРБЫКИН, X кылаас, Г.И. Чиряев аатынан Бүлүү куорат 1-кы нүөмэрдээх оскуолата
Дуолан ПАВЛОВ, VII кылаас, Е.Е. Эверстов аатынан Кэбээйи орто оскуолата
«Азия оҕолоро» VIII спортивнай оонньууларын пресс-киинин эдкордара