«Азия Оҕолоро» VIII спортивнай оонньуулар чэрчитинэн «Сулус» спортивнай кииҥҥэ остуол тенниһигэр күрэхтэһиилэр буола тураллар. Күрэхтэһии 5 күн буолуоҕа. Бэҕэһээ, уоллаах кыыс буолан пааранан оонньообуттара, онтон бүгүн, биирдиилээн уол уолу кытта уонна кыыс кыыһы кытта күрэхтэстилэр.
Остуол тенниһигэр кыттааччылар Арссыыйа 3 уокуругтарыттан уонна Кыргызтан, Казахстан, Белорусия, Кытай, Палестина, Азербайджан, Сирия, Лаос курдук ыраах дойдулартан кытта кэлбиттэр. Кыттааччы уолаттар — 25-тэр, кыргыттар — 22-лэр. Саха сирин икки хомуур хамаандатыттан бу күрэххэ түөрт уол уонна түөрт кыыс кыттар: Антонов Ярослав, Курилко Енисей, Попов Вадим, Свердаловский Сила, Казарян Асмик, Керемясова Арианна, Соломова Елизавета, Степанова Сандаара.
Степанова Сандаара, Мэҥэ Хаҥалас:
— Мин остуол тенниһинэн дьарыктаммытым 5 сыл буолла. Теннискэ оонньуурга түргэн реакциялаах буолуохтааххын уонна күүстээх характердаах буолуохха наада.
Аркадий Никифорович Иванов, Саха сирин хомуур хамаандаларын остуол тенниһигэр сүрүн тренер :
— Күрэхтэһиибит 26 чыыһылаттан саҕаламмыта уонна 30 чыыһылаҕа биирдэ бүтэр. 5 күн күрэхтэһэбит, бастаан уол, кыыс пааралара оонньууллар онтон группаларынан арахсаннар биирдиилээн күрэхтэһиилэр буолуохтара. Ол кэниттэн уолу уолу кытта паарата уонна кыыс кыыһы кытта парата күрэхтэһиилэрэ буолуохтара. Ордук бэлэмнээх кыргыттарга Кытай кыргыттара буолуохтаахтар, Москубалар, Уральский уокруг күүстээх уонна Казахстан хамаандата үчүгэй буолуохтаах. Кыттааччыларга ситиһиини баҕарабын барыларыгар, ким үчүгэй бэлэмнээх, күүстээх, дьаныардаах ол кыайдын!
Остуол тенниһэ — олимпийскэй успуорт көрүҥэ буолар. Онньуурга ракеткалар, мээчик уонна сеткалаах остуол наада. Хас биирдии партия 11 очкоҕа дылы оонньонор.
Сиһилии видеорепортажка көрүҥ:
Туйаара Мамонтова, Харысхан Андреев, Алина Алексеева, Сандаара Поскачина,
«Азия оҕолорун» эдэр корреспонденнарын пресс- киинэ.