Амма улууһугар айаммытыгар бастакы кэлбит Эмис диэн нэһилиэккэ сылаас, миньигэс алаадьылаах, быырпахтаах Саха мааныы далбар хотуттара алгыстарын этэн көрүстүлэр. Көрсүүлэрэ олох үрдүк таһымҥа ааста диэн саныыбын.
Ол курдук Эмис нэһилиэгин Саппыйа алааһыгар Владимир Михайлович Новиков – Күннүк Уурастыырап олорбут дьиэтин, туттубут малын, иһитин көрөн ааспыппытын олус сөбүлээтим. Владимир Михайлович олоҕун Алексей Ильич диэн өр сыллаах опыттаах учуутал сырдаппыта.
Саппыйа алааһыгар Күннүк Уурастыырап түмэлигэр элбэх интириэһинэйи биллим-көрдүм.
Владимир Михайлович Новиков – Саха сирин биллиилээх суруйааччыта. Кини кинигэлэрэ киһи дууһатын, өйүн-санаатын уларытар. Новиков уникальнай стиллээх-суруктаах, киһи болҕомтотун тардар уонна бүтэһик илиискэ диэри ыыппат. Кини айымньылара философскай санааларынан, дириҥ иэйиилэринэн уонна соһуччу ис хоһооннорунан, сюжеттарынан киирбиттэр. Владимир Михайлович Новиков — талааннаах суруйааччы, олоңхо умнуллубат өйдөбүлүн хаалларар уонна олох дьоһуннаах боппуруостарыгар толкуйдатар.
Владимир Михайлович айар маастарыстыбатынан уонна талаанынан бүтүн Саха норуотун ааттаппыта. Кини кинигэлэрэ биһигини дьикти эйгэлэргэ көһөрөллөр.
Владимир Михайлович Новиков кинигэлэрэ киһи тус библиотеката буолан уһун сылларга ааҕааччылар сүрэхтэригэр хаалаллар. Талааннаах суруйааччы айымньылара литэрэтиирнэй уопсустуба бол5омтотун киинигэр тохтообокко бэйэтин ааҕааччыларын сөхтөрөр, көҕүлүүр.
Нария Хоютанова, IX кылаас, Г.Д. Бястинов-Бэс Дьарааһын аатынан Чымынаайы орто оскуолата, Таатта