Эдэр ыччат талаанын, дьоҕурун, кэрэ сэбэрэтин уонна олоххо көхтөөх буолуутун көрдөрөр МИСС УОННА МИСТЕР «ТАБЫС” күрэххэ Өрөспүүбүлүкэ араас муннугуттан 17 кэрэ куо уонна 12 эр бэрдэ кытынна.
Кыттааччылар 5 түһүмэккэ күн тахсыар диэри кытыннылар: бэйэни билиһиннэрии, өй-билии күрэҕэ, талааны көрдөрүү, спортивнай, саха төрүт таҥаһын уонна киэһээҥҥи былааччыйалары, көстүүмнэри көрдөрүү.
Тыҥааһыннаах күрэх кэннэ кыайыылаахтарынан ааттаннылар:
— «Мисс ТАБЫС» — Анастасия Обоева, Ньурба улууһа;
— «Мистер ТАБЫС» — Ньургун Харлампьев, «Кэбээйи» эдэр ыччат түмсүүтэ, Кэбээйи улууһа;
— «I вице-мисс ТАБЫС» — Людмила Архипова, Хаҥалас улууһа;
— «I вице-мистер ТАБЫС» — Владислав Кутанов, Ньурба улууһа;
— «II вице-мисс ТАБЫС» — Сияна Яковлева, «Zema» өрөспүүбүлүкэ эдэр ыччат түмсүүтэ;
— «II вице-мистер ТАБЫС» — Денис Васильев, Үөһээ Бүлүү улууһа;
— «Мисс зрительских симпатий» — Розалия Федотова, Одуну нэһилиэгин «Эрэл» эдэр ыччат түүмсүүтэ;
— «Мистер зрительских симпатий» — Александр Осипов, Россия устудьуоннарын этэрээтэ;
— «Мисс спорт» — Анастасия Кобякова, Кэбээйи улууһа;
— «Мистер спорт» — Минтимир Замятин, Одуну нэһилиэгин «Эрэл» эдэр ыччат түүмсүүтэ;
— «Мисс интеллект» — Яна Винокурова, Нам улууһа;
— «Мистер интеллект» — Сергей Громин, Дьокуускай куорат;
— «Мисс талант» — Виринея Арьянова, Мэҥэ-Хаҥалас улууһа;
— «Мистер талант» — Виталий Семянов, Ньурба улууһун эдэр ыччатын түмсүүтэ;
— «Мисс национальный костюм» — Анастасия Алексеева, Горнай улууһа.
Кыайыылаахтары эҕэрдэлиибит, кыттааччыларга салҕыы ситиһиилэри, инникититин да үүнэ-сайда, талааҥҥыт арылла турдун диэн баҕарабыт!
Виолетта Левина, 9 кылаас, “Дьоҕур” медиакиин, Кэбээйи орто оскуолата.
Виолетта Левина хаартыскаҕа түһэриитэ, видеоҕа устуута.