Бүгүн, бэс ыйын 6 күнүгэр, ытык Кэбээйи нэһилиэгэр «Уһун Хонуу» түһүлгэтигэр «ТАБЫС» Өрөспүүбүлүкэтээҕи эдэр ыччат культураҕа уонна үөрэххэ бэстибээлэ саҕаланна. Бэстибээлгэ Өрөспүүбүлүкэ 11 улууһуттан уонна 6 эдэр ыччат түмсүүлэрэ кэлэн кытта сылдьаллар.
Бэстибээл үөрүүлээх арыллыыта ыһыах сиэрин-туомунан ыытылынна. Кыттааччылар параадтарыттан саҕалаан, олохтоохтор кыттыылаах туруоруу, алгыс сиэрэ-туома буолла уонна эдэр ыччат оһуохайынан түмүктэннэ.
СӨ ыччат дьыалаларыгар уонна социальнай коммуникацияҕа миниистирэ, Петр Витальевич Шамаев:
«Өрөспүүбүлүкэтээҕи ТАБЫС фестиваль урут ыччат ыһыаҕа диэн ааттаах этэ. Бу тэрээһин 1991 сылтан ыытыллар. Быйыл куонкуруһу Кэбээйи улууһа кыайан Кэбээйи сиригэр ыытылла турар. Улуустарга олорор эдэр ыччат бэйэтин киһи быһыытынан сайыннарыан, сайыдыан, улаатыан сөп диэн сыалтан-соруктан бу улахан тэрээһини ыытабыт. Эдэр ыччат манна кэлэн бэйэлэрин көрдөрөллөр, талааннарын арыйаллар, саҥаны билэллэр-көрөллөр уонна бэйэ-бэйэлэрин кытта билсэллэр. Быйыл патриотическай иитии өттүгэр күүскэ үлэлиибит. Урут күрэхтэһии эрэ курдук буолар буоллаҕына быйыл сүрүн тирэҕи эдэр ыччат сынньалаҥар уурдубут».
#ТАБЫС
#фестивальмолодежи2024
Keskil14.ru