Кэбээйи орто оскуолата сылын ахсын араас благотворительнай акцияҕа көхтөөхтүк кыттар. Быйыл эмиэ биһиги оскуолабыт үөрэнээччилэрэ туора туран хаалбакка, Бүтүн Арассыыйатааҕы «ДОБРЫЕ КРЫШЕЧКИ» диэн ааттаах экологическай бырайыакка кыттыстыбыт.
Кылаас салайааччылара оҕолорго бу акция туох сыаллааҕын-соруктааҕын, туохха туһалааҕын сиһилии кэпсээбиттэрэ. Онон хас биирдии үөрэнээччи бэйэтин кылаатын киллэрээри, нэдиэлэ устата пластиковай бытыылкалар хаппахтарын аҕалан бу олус наадалаах уонна суолталаах акцияҕа көмөлөстө.
Уопсайа оскуола үрдүнэн 7572 устуука хаппах хомуйдубут. Ону таһынан, кылаастар икки ардыларыгар күрэх тэрийбиппит. Ол түмүгүнэн, саамай элбэх хаппаҕы — 1052 устууканы хомуйан, 1″а» кылаас буолла (кылаас салайааччыта Кривошапкина С.С.), иккис миэстэ — 904 шт хаппахтаах 3″а» кылаас (кылаас салайааччыта Терехова А.С., оттон үһүс миэстэ — 733 шт хаппахтаах 2″б» кылаас (кылаас салайааччыта Максимова Т.И.) буолла. Оттон орто сүһүөхтэргэ кыайыылааҕынан 6 “а” кылаас — 481 устуука хаппах (кылаас салайааччыта Кобякова В.В.), улахан кылаастарга — 9 “а” кылаас – 612 устуука хаппах (кылаас салайааччыта Павлова М.Е.) ааттаннылар. Атын да кылаастар эмиэ олус элбэх хаппах хомуйбуттарыттан үөрэбит. Кыайыылаахтары эҕэрдэлиибит!
Биһиги оҕолор уопсай кыһамньыбытынан Ийэ сирбит хайдах уларыйан иһэрин көрөн, киэн туттабыт.
Сандаара СОФРОНЕЕВА, 9 кылаас,
“Дьоҕур” медиакиин, Кэбээйи орто оскуолата