Быйыл сайын «Азия оҕолоро» норуоттар икки ардыларынааҕы оонньуулара буолара күүтүллэр. Биһиги оскуолабытыттан Степан Попов мас тардыһыы көрүҥэр кыттаары сылдьар.
—Бэйэҥ тускунан кылгастык билиһиннэриэҥ дуо?
— Мин 2009 сыллаахха төрөөбүтүм, Владимир Петрович Ларионов аатынан оскуолаҕа 8 «Б» кылааска үөрэнэбин.
—Успуордунан хаһааҥҥыттан дьарыктанан саҕалаабыккыный?
—Маҥнайгы кылаастан саҕалаан тустуунан дьарыктаммытым, онтон бу күһүҥҥэттэн мас тардыһыынан дьарыктанан саҕалаабытым.
—Тоҕо мас тардыһыы көрүҥүн таллыҥ?
—Миэхэ барсар көрүҥ дии санаабытым.
—Дьарыккын төһө сөбүлээтиҥ? Эйиэхэ мас тардыһыы тугу биэрдэй?
—Күүс-уох өттүнэн эбиллиинним, күрэхтээһиилэргэ сылдьан элбэх табаарыстанным, өй-саана өттүнэн сайынным.
—Мас тардыһыыга сылдьан тугу ситистиҥ?
—Бастаан өрөспүүбүлүкэтээҕи турнирга 3 бочуоттаах миэстэни ылбытым, онтон «Азия оҕолоро» норуоттар икки ардыларынааҕы күрэхтэһиигэ 4 миэстэ буолан, финальнай сүүмэрдээһиҥҥэ бастакы миэстэни ылан, Саха сирин сүүмэрдэммит хамаандатыгар киирэн, аны сайын ыытыллар «Азия оҕолоругар» кыттар быраабы ыллым.
—Азия оҕолоругар хайдах бэлэмнэнэн эрэҕиний?
—Муус устар 16-21 күннэригэр Казахстан хамаандатын кытта матчевай көрсүһүүгэ кыттыыны ыла барабын, онтон ыам ыйын 15-27 күннэригэр Монголияҕа дьарыктана барабыт.
Степаҕа улахан ситиһиини баҕарабыт!
Анжела Бурнашева, IX «Г» кылаас,
В.П.Ларионов аатынан Майа орто оскуолата, «Мэҥэбил» пресс-киин