Биһиги Г.И. Чиряев аатынан Бүлүү 1№-дээх «Ориентир» медиа-киин эдэр кэрэспэдьиэннэрэ ЦИоОД «Бэс чагда» медиа сменатын путёвкатын тутаммыт олунньу 9 күнүттэн 22 –кэ диэри оҕону сайыннарар лааҕырга сырыттыбыт.
Ол онно биһиги түөрт күн иһигэр медиа-форум оҕолоро хамаандаларга арахсаммыт, бырайыак оҥорон көмүскээтибит. Бу бастакы бырайыакпыт развлекательнай форматтаах видео буолбута. Онтон иккиспит үөрэтэр хайысхалаах этэ.
Бырайыак көмүскээһинин түмүгэр бастыҥ талааннаах оҕолорго «Азия оҕолоро» норуоттар икки ардыларынааҕы спортивнай оонньуулары сырдатыы 8лэтигэр бэс ыйын 25 күнүттэн от ыйын 7 күнүгэр диэри путёвканы бэлэх ууммуттара. Ону таһынан үрдүктүк үлэлэлэрин сыаналаммыт оҕолорго Москва куоракка ВДНХ быыстапкатыгар барар путевкалары туттарбыттара.
Ол онтон ураты хайысхаларынан арааран эмиэ үөрэтэр этилэр. Лааҕырга биһиги өрөспүүбүлүкэбит араас муннуктарыттан кэлбит олус элбэх саҥа оҕолору кытта билсиспиппит. Бу «Бэс чагда» лааҕыра хас биирдии оҕоҕо улахан олох үөрүйэҕин, саҥа доҕоттору, хаһан да умнуллубат түгэннэри бэлэхтээтэ.
Биһиги улахан махталбытын тиэрдиэхпитин баҕарабыт лааҕыр үлэһиттэригэр, «Кэскил» оҕо бэчээтин кыһатыгар, «Бастыҥнар хамсааһыннарыгар» умнуллубат икки нэдиэлэ бэлэхтээбиттэригэр.
Акулина ПРОТОПОПОВА,
Г.И. Чиряев аатынан Бүлүү 1 №-дээх оскуола
«Ориентир» медиа-киин эдэр кэрэспэдьиэнэ