А.Г. Н.К. Чирээйптэр ааттарынан Дьокуускай куорат национальнай гимназиятыгар оҕо-саас холбоһуга бары хайысханан тэриллэн оҕо-оҕону бэйэтэ сатаан сайыннарар кыаҕа, эйгэтэ толору баар. Биир оннук хайысханан, аҕыйах сылтан бэттэх сайдыы долгунун киллэрбит Бүтүн Россиятааҕы “Россия Орляталара” диэн кырачааннар хамсааһыннара буолар.
Биллэрин курдук, туох барыта утумнааһыҥҥа олоҕурар, онон гимназия Орляталара оччотооҕу октябреноктар олохторун салгыыллар .
Манна барыта 7 трек баар , ол аата сайдыы үөрэҕэ диэн, саамай үчүгэйэ бу эйгэҕэ кырачааннар улаатыахтарыгар диэри “Киһилии-Киһи” буоларга иитиллэн, кэрдиистэн-кэрдииһи ойон дабайаллар. Сиэр-туом, суобас, дойдумсах буолуу, бэйэни-бэйэ билиитэ онтон да атын тиэмэлэри арыйаллар.
Бэҕэһээ манна Орляталар кэккэлэригэр киирэр, оҕолорго хаалтыстарын баайан биир кэккэҕэ туруоран ылар үөрүүлээх, олус долгутуулаах түгэнэ үүннэ .
Оҕолор Орляталар Кэс тылларын эттилэр, гими толору ыллаатылар, былаахтарын биир-биир таһааран күөрэччи көтөҕөн хаамтылар.
Кинилэртэн арыычча үрдүк, син балачча уопуттаах инники киирбит оҕолор саҥа киирээччилэргэ намчя моойдоругар хаалтыһы баайдылар. Бу барыта кинилэргэ ураты долгутуулаах эйгэни үөскэттэ.
Орляталар бу туран арааһы санаатылар, бастатан туран бу күнтэн ыла бэйэлэрин-бэйэлэрэ дьаһана үөрэниэхтэрэ, инниктин салайынар буолуохтара. Ити санааларын бу ааттаммыт тректэргэ сыллата үөрэтиэхтэрэ .
Маҥнайгы кылаас үөрэнээччилэрин — кырачаан Орляталары “Оҕо-саас илдьиттэрэ” (Навигаторы детства) Ресурснай киин салайааччыта Нюргуяна Владимировна Макарова ийэлии эйэҕэс эҕэрдэтинэн кынаттаата, сүрэхтээтэ, гимназиябыт иитэр үлэҕэ дириэктэри солбуйааччы Анатолий Николаевич Чиряев оҕо-саас кэрэ-бэлиэ түгэнэ Орляталар истэригэр , бэйэлэригэр баарын наһаа истиҥник кэпсээтэ, кырачааннарга ситиһиилэри баҕарда.
Оттон бу холбоһугу Чирээйэптэр гимназияларыгар иитэр салаа биир бас киһитэ, дириэктэр Сүбэһитэ, уйулҕа үөрэхтээҕэ Вероника Павловна Васильева урууллаан, салайан илдьэ сылдьар, иитэр-үөрэтэр-такайар.
Тэрээһин умнуллубат чаҕылхай түгэнэ — Бүтүн Россиятааҕы Президенскэй күрэс кыайыылаахтарын (6 кылаастар) Дойдуга бэриниилээх буолууга иитии композицияларынан түмүктэннэ.