Айар үлэ мин олохпор олус суолталаах. Холобур, бэйэм санаабын суруйарбар, ис-турукпун сааһыланарбар көмөлөһөр. Ону тэҥэ, суруйууларым киэҥ эйгэҕэ тахсаллар.
«Кэскил» хаһыаты алын кылаастан саҕалаан, умсугуйан туран, сөбүлээн ааҕабын.Тус бэйэбэр саҥа сүүрээннэри биэрэр. Төрөөбүт төрүт тылбын эбии сайыннарарга үөрэтэр. «Кэскил» хаһыат мин сайдарбар кыах биэрэр.
Кинигэ
Кинигэ — өй төрдө!
Кинигэни элбэхтик ааҕыаҥ,
Элбэҕи өйдүүргэ дьулуһуоҥ,
Эҥини эргитиэҥ.
Кинигэ-билии биһигэ!
Арааһы билэргэ тардыһыаҥ,
Аан дойдуну ыраҥалыаҥ,
Кэхтибэт кэрэ кэскиллэниэҥ.
Кинигэ-барҕа баай!
Киэҥ далай кэпсээннээх,
Уһун киэҥ олохтоох-
Умсугутуулаах тыл.
Саха Саарына-
Улуу Убайбыт,
Сатабыллаах саҥалаах,
Уруйдаах араатар.
Былатыан Ойуунускай,
Бөлүһүөк Суруйааччы,
Батталы түҥнэрэн,
Былааһы туппута.
Үлэһит норуокка
Үгүһү оҥороҥ,
Үөрэҕи тэнитэн,
Сырдыкка угуйда.
Үтүөнү айхаллаата!
Киэҥ хочо сыһыылардаах,
Дьэдьэн сыта алаастардаах,
Дьөҥкүүдэ эбэ күөллээх,
Сата хайата тэллэхтээх,
Ханалаһым барахсан!
Эйэҕэс элэккэй ыаллардаах,
үлэни өрө туппут дьоннордоох,
Аар-сааргы тойуксуттардаах,
Аатырбыт тимир уустардаах,
Ханалаһым барахсан!
Бастакы тырахтырыыстардаах,
Улуу кыайыыны уһансыбыт,
Албан ааттаах буойуттардаах,
Тыылга улэлээбит дьоннордоох,
Ханалаһым барахсан!
Үүнэр-сайдар оҕолордоох,
Агро кэскиллээх оскуолалаах,
Араас дэгэттэр үөрэнээччилэрдээх,
Үтүөҕэ кэрэҕэ уһуйааччылардаах,
Ханалаһым барахсан!
Көмүс күһүн
Бэлиэ күнэ-
Оҕону кэрэҕэ,
Билиигэ угуйар
Учуутал күнэ
Салаллан кэллэ.
Оскуола боруогун атыллаан,
Саҥа саҕахха үктэнэрбэр
Ийэлии эйэҕэстик
Көрсүбүт бастакы Учууталым,
Сырдыкка-кэрэҕэ үөрэппит
Убаастыыр Учууталым!
Кыра да ситиһиибиттэн
Тэҥҥэ үөрэр,
Билигин да мин туспар
Дууһатынан ыалдьар.
Кыах биэрбит Учууталбар
Махталым муҥура суох.
Олег Адамов,
X кылаас,
Хаҥалас, Ньурба.