Ф.И. Авдеева аатынан оҕо айымньытын Дьокуускайдааҕы дыбарыаһын “Лаборатория безопасности” диэн көһө сылдьар мобильнай комплекс үлэтэ сэтинньи 15 күнүгэр Бүлүү улууһун А.И. Леонтьев аатынан Лөкөчөөн орто оскуолатыттан саҕаланна.
Дыбарыастан педагогтар Сергей Вильевич Сетынь, Владимир Александрович Иванов уонна “Автомобильные дороги Республики Саха (Якутия)” тэрилтэттэн инженер Григорий Ильич Уаров, Саха сирин ИДьМ госавтоинспекциятын салалтатыттан инспектор Владимир Федорович Ощепков бааллар.
Үөрэнээччилэргэ суол быраабылаларыгар, сэрэхтээх буолууга уонна профориентацияҕа илдьэ кэлбит элбэх көрдөрөр матырыйаалларын, тэриллэрин туһанан, олус интэриэһинэй дьарыктары ыыттылар, I-II кылаастарга сэрэхтээх буолууга кинигэлэри бэлэхтээтилэр. Кинилэр алын кылаастарга үөрэтэргэ туттуллар Лөкөчөөн оскуолатын ийэлэрэ тикпит суолга сэрэхтээх буолуу бэлиэлэрин биһирээтилэр, оҕолор олус көхтөөхтөрүн, элбэҕи ыйыталларын бэлиэтээтилэр. Мобильнай комплекс салгыы С.Ф. Гоголев аатынан Хампа оскуолатыгар айаннаата.
Никон Леонтьев, VI кылаас үөрэнээччитэ, “Лөкөчөөн” корпост,
Лөкөчөөн, Бүлүү.