Айылҕаҕа тыынар тыыннаах олоҕо тулалыыр эйгэттэн, кинини ыраастык тутууттан улахан тутулуктаах. Күннээҕи олохпутугар тулалыыр эйгэни күн аайы киртитии баар суол, ол иһин кинини харыстыыр боппуруос хаһааҥҥытааҕар да сытыытык турар. Онноҕор биир туттуллубут батарейканы мээнэ бырахтахха 20 кв. миэтэрэ сири ол эбэтэр 400 лиитэрэ ууну буорту гыныан сөп. Оннук сиргэ үүммүт үүнээйи дьааттаах буолар. Онтон ол батарейканы уматтахха дьааттаах эттиктэрэ салгыҥҥа иҥэн, былыттарга тиийэр уонна ардах, хаар буолан сиргэ төннөр.
Үөрэх дьылын бүтүүтэ «Саха гимназия» алын сүһүөх кылаастарыгар анаан айылҕаны харыстыыр соруктаах III “А” кылаас оҕолоро төрөппүттэрбитин кытта “Сир күнүн” көрсө “Принеси 3 батарейки-получи конфетку” уонна “Добрые крышечки” диэн экологическай акциялары тэрийбиппит.
Алын сүһүөх оҕолоро бары, ким да туора турбакка, биһиги ыыппыт акцияларбытыгар үөрүүнү кытта олус көхтөөхтүк кытыннылар. Анаан туспа мунньар ыаллар бааллар эбит диэн бэлиэтии көрдүбүт. Ол акция түмүгүнэн III “А” кылаас оҕолоро 4000 хаппах уонна 1500 туттуллубут батарейка хомуйдубут. Ити холоон көрдөххө 30000 кв. миэтэрэ сири ол эбэтэр 600000 лиитэрэ ууну киртийииттэн харыстаатыбыт. Атыннык эттэххэ ити көрдөрүү тыаҕа 3000 мас үүнэр сирэ. Акциябыт түмүгэр көхтөөхтүк кыттыбыт оҕолорго махтал суруктары уоннаа саамай актыыбынайдык кыттыбыт IV “б” кылаас оҕолоругар (салаайааччы Инга Валерьяновна Хомподоева) толору кэмпиэттээх кубок туттаран үөрүүлэрин үксэттибит.
Оҕолор тулалыыр эйгэни, төрөөбүт айылҕабытын харыстыыр баҕа санаалаахтара биһигини үөртэ. Оҕолор, айылҕаны харыстааҥ! Айылҕа – биһиги иккис ийэбит!
Федотова Люсьена,
III “А” кылаас,
Саха гимназия.