6 нүөмэрдээх оскуола 1 «В» саха кылааһын үөрэнээччитэ Санаайа Хабарова бииргэ үөрэнэр оҕолоругар олус интэриэһинэй маастар-кылаас ыытта. Илиинэн баайыыга үөрэнэн бэйэтигэр «балаклава» диэн муодунай бэргэһэ баайбыт. Кылаас иһигэр баайыы техникатын кэпсээбитин оҕолор иһиттилэр. Санаайаттан ыйыталаһыах:
Санаайа, наһаа үчүгэй бэргэһэ баайыытыгар маастар-кылаас ыыппыккын. Хайдах эбитий маннык ыытар?
— Кылааһым кыргыттарыгар бастакыбын маастар-кылаас ыытан көрдүм. Учууталым Раиса Егоровна оҕолорго ыытан көр диэбитигэр, тутатына сөбүлэһэн ийэбин кытта сап атыыласпыппыт, презентация оҥорбуппут.
Ким эйигин үөрэттэ?
— Мин ютуб ханаалга көрөн бэйэм үөрэммитим. Аҕам сороҕун көрдөрөн биэрбитэ. Онтон сөбүлээммин иллэҥ кэммэр баайар буолбутум. Бастаан ыарахан этэ. Күн аайы баайаммын үлэм тупсан испитэ.
Өссө да атын маастар-кылаас ыытыаҥ этэ дуо? Ханнык көрүҥнэргэ?
— «Ализе пуффи» саптан сумочка уонна алмазнай мозайканы көрдөрүөм этэ. Илиинэн баайарга үөрэнним. Саҕалаабыт үлэбин тиһэҕэр тириэрдиэм.
Кыргыттар аны кэлэр кыһын бэйэлэрэ тикпит балаклаваларын кэтиэхтэрэ уонна өссө да баайыахтара!
Кэпсэттэ Амелия Андреева, Дьокуускай 6 нүөмэрдээх оскуолатын 1 «В» саха кылааһын үөрэнээччитэ
Учуутал: Аммосова Раиса Егоровна