2022 сылга Дьокуускайга «Точка будущего» үөрэх эбийиэгин тутуу саҕаланыаҕа. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Балаҕан ыйын 22 күнүгэр СӨ бырабыыталыстыбатын бэрэссэдээтэлэ Сергей Местников «Новый дом» үтүө санаа пуондатын бэрэстэбиитэллэрин кытта көрүстэ.
Бырайыак сүрүн сыала — иитиэх дьиэ кэргэннээх уонна инбэлиит оҕолорго үөрэнэллэригэр усулуобуйа тэрийии.
Эбийиэк техническэй тэрилинэн хааччыллыылаах буолуоҕа, оҕолорго, цифровой технологияларга хайысхалаах үөрэтии сүрүн бырагырааматынан босхо билиини ыларга кыах бэриллиэҕэ.
Билиҥҥи туругунан, Жатайга тутуу былаһааккатыгар бэлэмнэнии үлэтэ ыытыллар. Тутуу саҕаланыан иннинэ былаһаакканы инженернэй ситиминэн хааччыйыы боппуруоһа быһаарыллыаҕа.