2023 сыл Хаҥалас улууһугар сыл Тыа хаһаайыстыбатын сылынан, онтон Саха Өрөспүүбүлүкэтигэр Үлэ сылынан биллэриллибитэ. М.Е. Васильева аатынан 2-с Малдьаҕар орто оскуолатын «Эрэл» оҕо түмсүүтэ улууска оҕо хамсааһынын сайыннарыыга сыллата ыытыллар улуус баһылыгын күрэҕэр 50 000 сууммалаах грант сүүйэннэр, 2-с Малдьаҕар нэһилиэгэр үлэлии сылдьар тыа хаһаайыстыбатын бастыҥ үлэһиттэрин, тыа хаһаайыстыбатын династияларын туһунан «Үлэ киһини киэргэтэр» диэн ааттаах кинигэни бэчээккэ бэлэмнии сылдьаллар.
Оҕолор үлэһит дьону кытта көрсөн, кинилэр үлэлэригэр экскурсиялаан, интервью ылан, хаартыскаҕа, видеоҕа түһэрэн, бэйэ оҥорон таһаарар бородууксуйаны хааччыйар, тыа сирин үлэһит дьонун кытта алтыһа сылдьаллар. Алтынньы ыйга кинигэни бэчээттээн, тыа хаһаайыстыбатын үлэһитин күнүн көрсө бэлэх оҥорор санаалаахтар.
2-с Малдьаҕар орто оскуолатын медиакиинэ, Хаҥалас.