Бүгүн балаҕан ыйын 1 күнүгэр А.П. Илларионов аатынан Хайахсыт орто оскуолатыгар саҥа үөрэх дьылын арыллыытын бэлиэтээн Билии күнэ буолан ааста https://t.me/keskil_media2020/18787
Билии күнэ былаах таһаарыытыттан уонна дойдубут өрөгөй ырыаларыттан саҕаланна. Быйыл бастакы кылааска 4 үөрэнээччи киирдэ, 11-с кылааска – 3 үөрэнээччи, 9-с кылааска – 7 үөрэнээччи.
Бастакы кылааска киирии бирикээһин дириэктэри иитэр үлэҕэ солбуйааччы Светлана Афанасьевна Кузьмина ааҕан иһитиннэрдэ. Салҕыы улуустааҕы экономическай сайдыы салайааччытын солбуйааччыта Фёдор Гаврильевич Нохтунскай, үөрэх управлениетын иитэр үлэ салаатын салайааччыта Евгения Ивановна Чичигинарова, оскуола иннинээҕи саастаах оҕолору иитэр үлэҕэ диэриэктэри солбуйааччы Матрёна Николаевна Илларионова, төрөппүт кэмитиэтин салайааччыта Ньуругуйаана Сергеевна Бандерова, профсоюз бэрэссэдээтэлэ Мотрёна Петровна Андреева, Хайахсыт нэһилиэгин дьахтар сэбиэтин салайааччыта Любовь Ивановна Филиппова эҕэрдэ тылларын эттилэр.
«Оҕо саас сирдьиттэрэ» (Навигаторы детства) бырайыак чэрчитинэн, үгэс буолбут «Самолётик будущего» Арассыыйатааҕы акцияҕа кыттан, оскуолабыт үрдүкү кылааһын оҕолоро кырачаан үөрэнээччилэрбитигэр баҕа санааларын тиспит кумааҕы сөмөлүөттэри туттартаатылар.
Быйылгы үөрэх дьылыгар оскуолабыт базатыгар Аксения Васильевна Посельская аатынан Дириҥнээҕи оҕо искусствотын оскуолатын декоративнай-прикладной хайысхатын филиала арылынна. Салайааччынан Анна Афанасьевна Романова ананна.
Быйылгы үөрэх дьылыгар биһиги оскуолабытыгар 5 саҥа учуутал кэллэ: дириэктэри үөрэх чааһыгар солбуйааччыта уонна география учуутала Степанова Мария Егоровна, «Земскай учуутал» программанан нуучча тылын уонна литературатын учуутала Петрова Матрена Анатольевна, алын кылаас учуутала Петрова Федосия Романовна, информатика учуутала Петров Сергей Егорович, физкультура учуутала Андросов Анатолий Васильевич.
Маҥнайгы кылааска киирбит Амелия Каженкина уонна 11 кылаас үчүгэй үөрэнээччитэ, активистка Комила Аржакова маҥнайгы алтан чуорааны тыаһаттылар.
Бырыгытыгар үөрэххэ, үлэҕэ үрдүк ситиһиилэри, туйгун доруобуйаны, дьолу соргуну баҕарабын.
Лилия МАРКОВА, IX кылаас,
А.П. Илларионов аатынан Хайахсыт орто оскуолата, Чурапчы
Ааптар видеота