Арассыыйаҕа Аҕа дойдуну, Өрөспүүбүлүкэҕэ Ийэ дойдуну көмүскээччилэр, улууска Кыайыы сылын уонна Улуу Кыайыы 80 сылларыгар аналлаах «Былатыан ыччаттара» диэн бэһис төгүлүн ыытыллар улуус эдэр ыччаттын икки ардыларыгар күрэх буолан ааста.
Сыала-соруга: Ыччаттарга патриотическай тыыны иҥэрии, чөл олоҕу тарҕатыы, сомоҕолоһууну тэрийии.
Күрэх 4 түһүмэҕинэн барда: «Ааҕыы умсулҕана»; «Кыайыы ыһыаҕын мала-сала»; «Кэрэни кэрэхсээн» хартыынаналары таайыы; «Түргэттэр, сымсалар» саха төрүт оонньуулара. Түһүмэхтэр сорудахтара Кыайыы 80 сылыгар туһуламмыттар.
Харбалаах аатыттан Алена Мытник, Александр Оконешников, Людмила Татаринова «ХОК» диэн ааттаах хамаанданан кытыннылар.
Уопсайа улуустан сэттэ хамаанда кытынна. Күрэх олус интэриэһинэйдик ааста. Эдэр ыччат элбэҕи билэн, билсэн, үөрэн-көтөн тарҕастылар.
Түмүккэ, «Күн Туллуктара» (Ытык Күөл оҕо саадын хамаандата) 1 миэстэни ыллылар уонна көһө сылдьар Кубок хаһаайыннарынан буоллулар. Иккис миэстэни ОДьКХ эдэр эрчимнээх уоланнара ыллылар. «ХОК» хамаанда бочуоттаах 3 миэстэни ылары ситистэ. Бу хамаанданы олохтоох түмэл салайааччыта С.А. Васильева, бибилэтиэкэр А.В.Тарабукина бэлэмнээн кытыннардылар.
Чахчы да киэн туттар чулуу киһибит ыччаттара буоларгытын хаһан да умнумаҥ, кини сырдык аатын суолдьут сулус оҥостуҥ!
Арина ТАРАБУКИНА, Харбалаах, Таатта