Мин элбэх оҕолоох ыал төрдүс оҕотобун. Миэхэ куруук холобур буолар икки убайдаахпын. Кинилэр курдук буолуохпун баҕарабын.
Улахан убайым Айаал быйыл оскуолатын бүтэрэр, кыра убайым Сема VII кылааска үөрэнэр, оскуолабыт президенэ.
Аҕам биологияны үөрэтэр. Ол эрээри баҕа өттүнэн мас тардыһыытыгар тренердиир. Убайдарбын эрчийэн, ситиһиилэрэ элбээтэ. Айаал өрөспүүбүлүкэҕэ ыытыллар турнирдарга II, III миэстэлэрдээх, оттон Сема чөмпүйүөннээбитэ. Кинилэр ыһыахтарга, өбүгэ оонньууларыгар куруук ситиһиилэнэллэр.
Убайдарбын батыһан, бастакы кылаастан ыла мас тардыһыытынан сөбүлээн дьарыктанабын. Онно күүскэ сүүрэбит, араас эрчиллиилэри толоробут. Сороҕор күүспүтүн холонон киирсээччибит.
Дьарыкка сылдьан, убайдарым курдук тулуурдаах уонна күүстээх буолуом. Эрчиллиини көтүппэппин, эһиилгиттэн күрэхтэһиилэргэ кыттыам.
Уол оҕо спордунан дьарыктаныахтаах, эт-хаан өттүнэн сайдыахтаах. Убайдарым оннуктар. Итиэннэ элбэх улуустарынан сылдьан сири-дойдуну көрдүлэр, доҕотторо элбээтэ.
Онон бырааттыы Поповтар бука бары спорду өрө тутабыт.
Святослав
ПОПОВ,
II кылаас.
Мээндиги.