Быйыл Мэңэ-Хаңалас улууһун «В.Н.Оконешников аатынан Павловскай орто уопсай үөрэхтээһинин оскуолатыгар» 1 «Б» кылааска 26 оҕо үѳрэнэ киирдэ: 14 уол, 12 кыыс. Кылаас салайааччытынан Александра Руслановна Попова буолла.
Киэӊ-куоӊ саӊа оскуолаҕа оҕолор үѳрэ-кѳтѳ күн аайы үѳрэнэ кэлэллэр. Араас уруок таhынан дьарыктарга кѳтүппэккэ сылдьаллар. Чуолаан, лего-конструированиеҕа, омук тылынан кэпсэтии, фольклорга үлүһүйэн туран дьарыктаналлар.
Кылаас үлэтэ күhүӊӊүттэн тэтимнэхтик саҕаламмыта. Ол курдук, «Кѳмүс күhүн» тэрээhини бастакы тѳрѳппүт бѳлѳҕѳ бэрт интириэhинэйдик ыыппыттара. «Күн оҕото – подсолнух» диэн теманан кылаас оҕолоро подсолнух буолбуттара. Ону «Саамай саамай» диэн конкурс оҕуруот аhын күрэҕэр кыайыылаах Павлов Степа буолбута. Кини 2,3 киилэ ыйааhыннаах бѳдѳӊ сүбүѳкүлэни аҕалан соhуппута.
Ийэлэр күннэригэр анаан оҕолорбут сюрприз оӊороору агеннар буолуоххайын дэспиттэрэ. Хас биирдии агент анал сорудаҕын толорон, ийэлэрбитигэр үѳрүүлээх түгэни бэлэхтээбиппит.
Сылын ахсын ыытыллар үгэс буолбут улуустааҕы интеллектуальнай конкурска биhиги үѳрэнээччибит Федоров Айсен I степеннаах дипломант аатын ылбыта. Онон бастакы ситиhиибит саҕаламмыта.
Байанай ыйын кѳрсѳ кылааспытыгар күрэхтэhии формалаах тэрээhин буолбута. Оҕолор булт сиэрин-туомун кытта билсибиттэрэ, кыыллар суолларын таайбыттара. Ону таhынан уолаттар күрэхтэспиттэрэ. Бастыӊ сонордьут аатын ылбыттара Иванов Власий уонна Егоров Максим.
Тѳрѳппүттэрбит олус түмсүүлээхтэр. Кылаас олоҕор куруутун кѳмѳлѳhѳллѳр.
«Все вместе – за безопасность на дорогах» диэн девизтаах ролик оӊорбуппут. Оҕолорго барыларыгар хараҥаҕа уот сырдыгар күлүмүрдүүллэрин курдук таӊастарыгар, бэргэhэлэригэр фара уота тэйэр бэлиэлэри тигэн, бары маннык оӊостуоҕун диэн 26 оҕо, 26 тѳрѳппүт буолан флешмоб туруорбуппут.
Ѳссѳ биир ситиhиибит – спортивно-бальные танцы дьарыктанар оҕолорбут «Зима начинается с Якутии» конкурска дипломант II степени буолбуттара.
