Көмпүүтэргэ, оонньуур приставкаҕа киһи уһуннук олорон оонньуур оонньуулара бааллар. Өскө эн күннээҕи олоххун кыайан сааһылаабат буоллаххына, маннык оонньууга «хаптаран» элбэх кыһалҕаны көрсүөххүн сөп. Доруобуйаҥ мөлтөөн, үөрэххэр хаалан, күннээҕи эрэсиимин кэһиллэн, дьону кытта алтыспат буолан хаалаҕын. Ол да буоллар, оонньуон баҕалаах киһи илиитигэр джойстик тутан, көмпүүтэргэ клавиатураны баттаан, «мышканы» хамсатан, атын виртуальнай эйгэҕэ баар буола түһэр. Биһиги ааҕааччыларбытыгар биэс олус интэриэһинэй, киһини тардар оонньуулары билиһиннэрэбит.
Bungie хампаанньа таһаарар ааттаах шутера билигин араас контенынан туолан турар. Оонньооччу бу оонньууга сүрүн чааһын ааспытын кэннэ, шутер кэҥээн Forsaken уонна Shadowkeep эбии сыһыарыылаах. Оонньооччу тугу оонньуурун бэйэтэ талар. Элбэх түһүмэхтээх рейда, экзотическай сэрии тэриллээх булт уонна PvP дойдуга киирсии.
Бу этиллибит диэн кыра, өссө оонньуур киһигин төһө баҕарар дьарыктаан күүһүрдэҕин, сайыннараҕын. Манна ытыалыыр (стрелялка) ордук табыллыбыт диэххэ сөп.
Хантан хачаайдыыбыт: Стандартнай чааһа Steam-ҥа, PS4 уонна Xbox One босхо ылыахха сөп. Оттон аддоннара 1500 солк. атыыланаллар. Аддоннара да суох даҕаны оонньуохха сөп.
Path of Exile урукку стратегия оонньууга тэҥээн «эҥкиллээх Диабло» диэн ааттыыллар. Манна аармыйаҕын бэйэн оҥороҕун, сайыннараҕын, ол кэннэ биирдэ эрэ сэриилэһэҕин. Ону сайдарга, күүһүрдэргэ Интернеккэ киирэн, араас албастары, ньымалары көрөн оонньоо. Утарсааччыҥ тойонун кыайан өлөрүөҥ суоҕа. Кинини эт-хаан өттүнэн кыайар табыллыбат, араас тэриллэр көмөлөрүнэн хотуохха сөп. Ону өйдөө!
Ааптардар оонньууну League of Legends курдук, саҥа быраабылалары, графика өттүн сайыннараллар, эбии саҥардыылары өрүү таһаараллар. Өскөтүн Diablo-ны оонньообут, төрдүс чааһын кэтэһэр кыах суох буоллаҕына, Path of Exile оонньуу — эйиэхэ аналлаах.
Хантан хачаайдыыбыт: оонньуу босхо көмпүүтэргэ, PS4 уонна Xbox One баар.
Epic Games хампаанньа бастыҥ, тарҕаммыт оонньунан ааҕыллар. Бу индустрия сүрүн уһулуччута диэн оҥорооччулар өттүлэриттэн күүстээх өйөбүл, көмөлөһүү буолар. Хас саҥардыы аайы сэрии тэриллэрэ уларыйан иһэллэр, ону таһынан араас кыракый тэриллэри таһаараллар. Холобур, Танос үтүлүгэ, джейдайдар саабылалара. Онон оонньуурга бу тэриллэр олус дьиктини, соһуччуну, эгэлгэлэри биэрэр.
Өссө киирсэр абонемент диэн көрүллэр. Ону ый аайы 10 долларга, ол аата 680 солк. төлөөн туох баар сэриилэһэр тэриллэри, таҥастары арыйаҕын. Маны барытын киирсэҥҥин, кыайаҥҥын даҕаны арыйыахха сөп. Ол иһин кытаат!
Хантан хачаайдыыбыт: оонньуу ханнык баҕарар платформаҕа босхо. Көмпүүтэргэ, PS4, Xbox One уонна Nintendo Switch. Ону кытта төлөпүөҥҥэ, планшекка эмиэ баар — Android уонна IOS.
Киэҥ эйгэҕэ биллибит футбол симулятора. Аан дойду аатырбыт оонньооччуларынан, хамаандаларынан, бэйэ-бэйэлэринэн оонньуоххун сөп. FIFA 20 оонньуу хас сыл аайы саҥаттан саҥа чааһа тахса турар. Ону билигин харантыын кэмигэр приставкаҕа, көмпүүтэргэ оонньуурга ордук табыгастаах кэм.
Оонньуу иһигэр хас да араас хайысхалаах. «Карьера» диэҥҥэ эн хамаанда тойоно буолан, бэйэн дьаһыйаҕын, кими оонньоторгун, атыылаһаргын, дьиҥнээх олоххо курдук кубоктары ылаҕын, хамаандаҥ бастыҥтан бастыҥ буолуон сөп. Биир да оонньооччунан оонньуохха сөп, Интернет нөҥүө доҕотторгун эбэтэр ситимҥэ олорор дьону кытта киирсэҕин.
Бу оонньууга интэриэһинэйэ диэн, хамаанда састааба, оонньооччулара дьиҥнээх. Онон доҕотторгун кытта «Ливерпуль», «Тоттенхэм», «Манчестер Сити» уонна «Челси» хамаандалары талаҥҥыт оонньооҥ.
Хантан хачаайдыыбыт: билигин бу чэпчэтиллэн турар көмпүүтэргэ Origin-ҥа — 1165 солк, PS4 — 1499 солк, оттон — Xbox One — 1499 солк булуохха сөп. Бэйэтин сыаната 3499-5499 солк, ол иһин табыгастаах гына билигин ылыҥ.
Мортал Комбат 11 оонньууга эбии контенын ахсаанын киһи ааҕан сиппэт. Хас биирдии хамсаныы, уһуннук комбо оҥордуҥ, сюжетнай чааһыгар миссияны аастыҥ оонньооччу оонньуу иһигэр харчы ылар. Ону мунньан сундук ылан арыйаҕын. Онно дьоруойдар саҥа скиннарын, саҥа фаталити ылыахха сөп. Бу оонньууга табаарыскын кытта эбэтэр хаампанньа буолан биир бииргэ киирсэҕин. Онно оонньоон ким күүстээҕин бэйэ иһигэр быһаарар, күрэстэһэр олус үчүгэй. Холобур, эн скорпиону ыл, доҕоруҥ рептилияны талыа, араас ньымаларынан охсуһаҕын.
Хантан хачаайдыыбыт: билигин бу чэпчэтиллэн турар көмпүүтэргэ Steam-ҥа — 1035 солк, PS4 — 1499 солк, оттон — Xbox One — 2000 солк. Бэйэтин сыаната үс-түөрт төгүл ыарахан, ол иһин табыгастаах гына билигин ылыҥ.
Ааптар: Павел Ильин.