От ыйыгар биһиги, 17-с оскуола III “В” кылааһын үөрэнээччилэрэ, учууталбытын Заровняева Любовь Святославовнаны уонна төрөп-пүттэрбитин кытта Еланка диэн Хаҥалас улууһун кэрэ-бэлиэ сиригэр сынньанан кэлбиппит.
Күммүт сылааһа оруобуна биһиэхэ анаммыт курдуга. Өлүөнэ өрүс ып-ыраас, сып-сылаас уутугар дуоһуйа сөтүөлээбиппит. Мин очуос таас хайалары сөҕө, араас кыылга, киһиэхэ майгынната көрбүтүм.
Сөтүө уонна оонньуу быыһыгар балыктаабыппыт. Маҥнайгы күн кыра балыктары хаптаран, мииннээн испиппит минньигэс да этэ! Онтон иккис күн тэҥэли диэн улахан балыгы туттаран, олус үөрбүппүт. Итиэннэ элбэх алыһар ылбыппыт.
Киэһэтин уот тула олорон ыллаабыппыт. Музыкабыт учуутала Макарова Надежда Яковлевна гитаранан доҕуһуоллаабыта. Бу бэртээхэй сынньалаҥы хаһан да умнуом суоҕа!
Дима Мегин,
Дьокуускай куорат.