«Смотри, это Россия» видеокроссинг тэрээһини Саха өрөспүүбүлүкэтин Ил Дарханын А.С.Николаев көҕүлээн ыытта. Үөһээ Бүлүү Дүллүкү оскуолатын сэттэ кылааһа кыттыыны ыллылар.
«Смотри, это Россия» үөрэнээччилэргэ кэтэхтэн биллэриллибит күрэххэ Россия 85 регионуттан 10 000-тан тахса оҕо кытынна. Киэҥ далааһыннаах хамсааһын дойдубут Ил Дархана А.С.Николаев өйөбүлүнэн ыытыллар. Бу тэрээһини Саха сиринээҕи оҕо тэрилтэтэ алтынньыттан иилээн-саҕалаан ыытар.
Күрэх усулуобуйатынан 5 киһиттэн састааптаах хамаанда кыһыҥҥы кэмҥэ олорор регионун уратыларын, оҕолор дьарыктарын (үлэ-хамнас, сынньалаҥ) туһунан сэһэргиир видеооткрытка устан ыытар уонна атын регион оҕолорун кытта атастаһар.
Видеокроссинг сүрүн сыала-соруга — ролик нөҥүө бэйэ төрөөбүт түөлбэтин билиһиннэрии, доҕордоһуу.
Биһиги Үөһээ Бүлүү улууһун Дүллүкү оскуолатыттан күрэххэ сэттэ кылаас кытынна. Миэстэҕэ тиксибэтэрбит даҕаны, видеокроссинҥа кыттан, уопуту ыллыбыт, билиибитин хаҥаттыбыт.
«Эрчим» эдкорпост.