Эрэдээксийэ үлэһиттэрин оҕолорун Нина Иннокентьевна барыларын ааҕа билэттиир уонна наһаа таптыыр этэ. Мин кыра уолбун кытта эмиэ өрүү наһаа истиҥник кэпсэтэрэ.
Биирдэ киэһэ, Бэчээт дьиэтин ойоҕоһугар, редакторбыт ДП-2 диэкиттэн мунньахтаан иһэрин көрүстүбүт. Дорооболостубут. Онуоха уолум, мин соһуйбут санаабар, ылла да олус күүскэ ытыска саайда. Мин мух-мах буоллум. Онуоха Нина Иннокентьевна:
—Ээ, арба, аныгылыы итинник этэ дуу, — диэн баран, күлэ-үөрэ «аныгылыы» дорооболосто.
Ол курдук кини, хос сиэннэрин кытта хото алтыһар киһи, оҕолуу быһыыны наһаа өйдүүрэ. Кими баҕарар кытта сөптөөх тылы булан, олох тэтимиттэн хаалсыбакка, тэҥҥэ хаардыылаан иһэрэ.
Мария Решетникова.