Куоскам миэнэ куччугуйуон,
Кини түүтэ сымнаҕаһыан!
Көхсүттэн имэрийэрбин,
Көтөҕөрбүн сөбүлүүбүн.
Киэһэ дьиэбэр кэллэхпинэ
Көрсөр миигин аан таһыгар,
Курдьугунуу-курдьугунуу
Кутуругун куймаҥнатар.
«Тоҕо өр буоллуҥ?» диэбиттии
Тонолуппакка одуулуур,
«Тэһийбэтим ээ» диэбиттии
Төбөтүн миэхэ сыһыарар.
Утуйаары гыннахпына
Урут кини ойон тиийэр,
Утуйар ороммор ыттар
Уонна оннун була охсор.
Куоскабын харайарбыттан
Кыратык да сылайбаппын,
Кини баара үчүгэйиэн!
Кимиэхэ да мин биэрбэппин!
Зоя ИМ, Дьокуускай.